Ռուսաստանում վերջին մեկ օրում կորոնավիրուսի պատճառով մահացել է 973 մարդ

Ռուսաստանում կորոնավիրուսի պատճառով մահվան դեպքերի թիվը մեկ օրում ավելացել Է 973-ով՝ հասնելով 218 345-ի՝ նախորդ օրվա 957-ի համեմատ: Հոկտեմբերի 12-ին այդ մասին լրագրողներին հայտնել են նոր վարակի դեմ պայքարի դաշնային օպերատիվ շտաբում, տեղեկացնում է «Արմենպրես»-ը:

Աճը բացարձակ արտահայտությամբ դարձել է առավելագույնը համավարակի սկզբից ի վեր: Բացի դրանից, արդեն յոթ օր շարունակ երկրում արձանագրում են կորոնավիրուսի պատճառով 900-ից ավելի մահ մեկ օրում:

Նոր հիվանդության պայմանական մահացությունը (վերջնականը կարելի կլինի որոշել սոսկ համաճարակի ավարտից հետո) աճել է մինչև 2,79 տոկոս, հետևում է շտաբի տվյալներից: Ռուսաստանում կորոնավիրուսով վարակման հաստատված դեպքերի թիվը մեկ օրում աճել Է 28 190-ով՝ մինչև 7 832 964:

Հարաբերական արտահայտությամբ հիվանդացածների թվի աճը կազմել Է 0,36 տոկոս: Այսպես կոչված՝ ակտիվ դեպքերի, այսինքն՝ այն հիվանդների քանակը, ովեր բուժում են անցնում այս պահին, ավելացել է մինչև 720 334, հետևում Է շտաբի տվյալներից: Կորնավիրուսով վարակվելուց հետո բուժվածների թիվը Ռուսաստանում մեկ օրում աճել է 20 706-ով՝ մինչև 6 894 285:

Դուրս գրված հիվանդների բաժինը, շտաբի տվյալների համաձայն՝ նվազել է մինչև վարակվածների ընդհանուր թվի 88 տոկոսը:

Մոսկվայում կորոնավիրուսով վարակման հաստատված դեպքերի թիվը մեկ օրում ավելացել է 4 699-ով՝ մեկ օր առաջվա 5 002-ի դիմաց՝ մինչև 1 688 376:

Հարաբերական արտահայտությամբ աճը կազմել է 0,28 տոկոս: Մայրաքաղաքում կորոնավիրուսի պատճառով մահացածների թիվը մեկ օրում աճել Է 70-ով՝ մեկ օր առաջվա 71-ի դիմաց՝ մինչեւ 29 808, հետեւում է շտաբի հաղորդագրությունից, հաղորդել է ՏԱՍՍ-ը:

Previous Post Next Post