Զախարովան գնահատել է Ադրբեջանի նախագահի այցը Կիև

Ռուսաստանը երկկողմ հարաբերությունների կառուցումը համարում է յուրաքանչյուր պետության ինքնիշխան իրավունքը, սակայն կարևոր է, որ այդ կապերն ու շփումները ուղղված չլինեն երրորդ երկրների դեմ։ Նման հայտարարություն է այսօր արել ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Ադրբեջանի նախագահ Իլհամ Ալիևի՝ Ուկրաինա կատարած այցի և Ուկրաինայի առաջնորդ Վլադիմիր Զելենսկու հետ հանդիպումից հետո արված մի շարք հայտարարությունների մասին հարցին։

«Այդ սկզբունքային դիրքորոշումից ենք ելնում նաև այլ երկրների հետ մեր շփումների կառուցման հարցում: Նման մոտեցում ենք ակնկալում մեր գործընկերներից: Հունվարի 14-ին Ադրբեջանի նախագահի այցը Կիև մանրամասն քննարկվել է Ռուսաստանի նախագահների հեռախոսազրույցի ընթացքում»,- ասել է Զախարովան՝ հավելելով, որ հեռախոսազրույցը կայացել է հունվարի 18-ին:

Հիշեցնենք, որ Ուկրաինայի նախագահ Վլադիմիր Զելենսկին և Ադրբեջանի նախագահ Իլհամ Ալիևը Կիևում կայացած հանդիպմանը քննարկել են Ժողովրդավարության և տնտեսական զարգացման կազմակերպության (ՎՈւԱՄ) երկրները միավորող տրանսպորտային միջանցք ստեղծելու հեռանկարները։

Նշենք, որ ՎՈՒԱՄ-ի կազմում են Վրաստանը, Ուկրաինան, Ադրբեջանը և Մոլդովան:

Previous Post Next Post