Թրամփի մի «թվիթը» ռուբլու անկման պատճառ է դարձել

Միացյալ Նահանգների նախագահ Դոնալդ Թրամփն իր թվիթերյան էջում գրառում է արել նոյեմբերին Կոնգրեսի ընտրություններին Ռուսաստանի հնարավոր միջամտության վերաբերյալ, ինչի հետևանքով ռուբլին անկում է գրանցել:

Ինչպես նշում է lenta.ru-ն, Թրամփի մեկ «թվիթից» հետո ռուսական արժույթը գրեթե մեկ ռուբլիով էժանացել է դոլարի նկատմամբ:

Մոսկվայի բորսայի տվյալներով՝ հուլիսի 24-ի ժամը 19:10-ի դրությամբ մեկ դոլարի փոխարժեքը եղել է մոտ 62.6 ռուբլի, մինչդեռ նախագահի գրառմանը հաջորդած 40 րոպեի ընթացքում այդ ցուցանիշը հասել է 63.5 ռուբլու:

Ինչ վերաբերում է Թրամփի գրառմանը, ապա նա իր անհանգստություն էր հայտնել այն առնչությամբ, որ Ռուսաստանը լուրջ ջանքեր կգործադրի կայանալիք ընտրությունների վրա ազդելու համար:

«Հիմնվելով այն փաստի վրա, որ ԱՄՆ-ի ոչ մի նախորդ նախագահ այսքան դաժան չի եղել Ռուսաստանի նկատմամբ, ինչպես ես, ռուսները կփորձեն ուժերի ներածին չափով աջակցել դեմոկրատներին:
Նրանք միանշանակ չեն ուզում Թրամփին»,- գրել է 72-ամյա հանրապետականը: