Վազգեն Սարգսյանը ԱՄՆ-ից եկավ ու ինձ ասաց՝ այդ տականք Քոչարյանը համաձայնել է Մեղրին հանձնել. Վահան Շիրխանյան | ՏԵՍԱՆՅՈՒԹ

«Քոչարյանն ու նրա շրջապատը ոչ թե մանիպուլյացիա, այլ թշնամություն են անում երկրի հանդեպ»,- «Առաջին լրատվական»-ի հետ զրույցում ասել է ՀՀ պաշտպանության նախկին փոխնախարար Վահան Շիրխանյանը։
Զրուցակիցն ընդգծել է. «Նորմալ եմ նայում այն հանգամանքին, որ Քոչարյանն այսօր կալանավորված է, բայց թերի եմ համարում, որ կալանավորված չէ Սերժ Սարգսյանը։ Սերժ Սարգսյանի մասնակցությունը Մարտի 1-ի գործին զգալի է և ոչ պակաս, քան Ռոբերտ Քոչարյանինը»։
Վահան Շիրխանյանն անհրաժեշտ է համարել, որ վերաբացվի և բացահայտվի նաև Հոկտեմբերի 27-ի ոճրագործությունը. «Վազգեն Սարգսյանը 1999 թվականին մեկնեց ԱՄՆ, եկավ և ինձ՝ իսկ ես նրան փոխարինում էի, երբ նա գործուղման էր… ասաց հետևյալը՝ այնտեղ հանդիպել էր Ալբերտ Գոռի հետ ու ինձ ասաց՝ այս տականքը՝ նկատի ուներ Ռոբերտ Քոչարյանին, համաձայնել է Մեղրին հանձնել։ Այսինքն՝ Մեղրին հանձնելու ծրագիրը Քոչարյանի մոտ եղել է ու նա ներքին համաձայնություն է տվել, բայց դա հակահայաստանյան, հակահայկական տարբերակ է, որի մեջ կա նաև ֆինանսական շահագրգռվածություն»։