Նա 4 տարեկանից է վարում. Թաթարստանի բնակչուհին բացատրել է, թե ինչու է իր 6-ամյա որդուն նստեցրել մեքենայի ղեկին | տեսանյութ

Ռուսաստանի Դաշնության կազմում ընդգրկված Թաթարստանի հանրապետությունում բնակվող բազմազավակ Ագինա Ալտինբաևան սոցցանցում տեսանյութ է հրապարակել, որում իր վեցամյա որդին մեքենա է վարում 130 կմ/ժամ արագությամբ:

Ինչպես հայտնում է tvzvezda.ru-ն, երբ կնոջը հայտնել են, որ նա խախտում է կանոնները, քանի որ երեխաներին չի կարելի նստեցնել ղեկին, վերջինս պատասխանել է, որ դա իրեն ընդհանրապես չի անհանգստացնում:
Իսկ երբ Ալտինբաևային հացեր են տվել լրագրողները, նա պատասխանել է, որ իր տղան մեքենա է վարում 4 տարեկանից:

«Նա դեռ չորս տարեկանից է վարում: Այժմ վեց տարեկան է, դրանում ոչ մի վատ բան չեմ տեսնում: Ոչ մի սարսափելի բան չկա, եթե պետավտոտեսուչներն ինչ-որ բան ասեն ինձ»,- աղբյուրը մեջբերում է «խիզախ» մայրիկին:

Հաղորդվում է, որ Ալտինբաևան նախկինում արդեն 5300 ռուբլու չափով տուգանք է ստացել՝ նորածնին գրկում պահած վարելու համար: