Երկու «օրենքով գողի» են գնդակահարել. երկուսն էլ մահացել են | Տեսանյութ

Նոյեմբերի 22-ին, կեսօրին Աբխազիայի մայրաքաղաք Սուխումիի կենտրոնում դիմակավոր 3 անհայտ անձինք ավտոմեքենայից կրակ են բացել «Սան Ռեմո» սրճարանի այցելուների ուղղությամբ։
Դրա հետևանքով մահացու վիրավորվել են երկու տղամարդ, որոնք քրեական աշխարհում բարձր կարգավիճակ են ունեցել։ Խոսքը 38-ամյա Աստամուր Շամբայի (Աստիկ) և նրա հասակակից Ալխաս Ավիձբայի (Խասիկ) մասին է։
Նշվում է, որ Շամբան մահացել է տեղում, իսկ Ավիձբան՝ ավելի ուշ։
Հրաձգության հետևանքով տուժել է նաև մեկ տղամարդ և հաստատության մատուցողուհին։ Նրանք ծանր վիճակում հիվանդանոցում են։
Ավելի ուշ իրավապահները Սուխումիի շրջաններից մեկում այրված ավտոմեքենա են հայտնաբերել, որով, ենթադրաբար, մարդասպաններն անհետացել են հանցանքի վայրից։