Gallup. Հայաստանն ամենաանվտանգ երկրների ցանկում է՝ Շվեյցարիայի ու Ֆինլանդիայի միջև

Gallup-ը հրապարակել է «Համաշխարհային օրենք և կարգ» 2019 թվականի զեկույցը, որում ներկայացվում են, թե տարվա ընթացքում որ երկրներն ինչ առաջընթաց կատարել՝ համապատասխանելու ՄԱԿ-ի կայուն զարգացման նպատակին՝ ունենալու «արդար, խաղաղ և ներառական հասարակություններ»:
Զեկույցում Հաաստանը հայտնվել է ամենաանվտանգ երկրների տասնյակում՝ զբաղեցնելով 7-րդ տեղն ու հայտնվելով Շվեյցարիայի ու Ֆինլանդիայի միջև։
Հայաստանում հարցին, թե անվտանգ է իրեն զգում, այո է պատասխանել 89 տոկոսը։
Ամենաանվտանգ երկրների առաջին եռյակում են Սինգապուրը, Նորվեգիան ու Արաբական Միացյալ Էմիրությունները։
2018-ին աֆղանցիների ընդամենը 13% -ն է ասել, որ իրենք իրենց ապահով են զգում, դրանով իսկ հայտնվելով անվտանգ երկրների շարքի ամենավերջին տեղում։ Աղյուսակի վերջին եռյակում են Աֆղանստանը, Վենեսուելան ու Հարավային Աֆրիկան։