Հռոմի պապի՝ կորոնավիրուսով վարակված լինելու մասին լուրը կեղծ է եղել

Հռոմի պապի մոտ կորոնավիրուսի ախտորոշման մասին լուրը կեղծ է եղել: Բրիտանական The Independent պարբերականը հայտնել է, որ իր կայքէջը կոտրել են և կեղծ տեղեկություն հրապարակել:

Ինչպես հաղորդում է govoritmoskva.ru-ն, սրբազան քահանայապետի մոտ իսկապես վիրուս կա, բայց ոչ COVID-19-ը:
Ինչպես ավելի վաղ հայտնի էր դարձել, Հռոմի պապը «թեթև հիվանդության» պատճառով չեղարկել էր առաջիկա մի շարք պաշտոնական միջոցառումների և պատարագի անցկացումը Հռոմում:
Նշենք նաև, որ ավելի վաղ МСМ News-ը կեղծ տեղեկություն էր հրապարակել Հռոմի պապի՝ կորոնավիրուսով վարակված լինելու մասին: