ՌԴ կառավարությունը կարգադրել է մարտի 27-ից ամբողջովին դադարեցնել կանոնավոր և չարթերային ավիահաղորդակցությունը

ՌԴ կառավարությունը կարգադրել է Ռուսաստանի օդային տրանսպորտի դաշնային գործակալությանը մարտի 27-ից ամբողջովին դադարեցնել կանոնավոր և չարթերային ավիահաղորդակցությունը: Այս մասին տեղեկացնում է ՌԻԱ Նովոստի գործակալությունը:

Բացառություն կլինեն միայն այն չվերթները, որոնք ռուսաստանցիներին հայրենիք կվերադարձնեն:
Աշխարհի տարբեր երկրներ նույնպես արտակարգ քայլեր են ձեռնարկում կորոնավիրուսի տարածումը կանխելու նպատակով` փակելով սահմանները, դադարեցնելով երկաթուղային և օդային հաղորդակցությունը:
Հայտնի է, որ ամբողջ աշխարհում նոր տեսակի կորոնավիրուսով վարակվածների թիվը հասել է 435 036-ի, որից 21 295-ը՝ մահվան ելքով։ Հիվանդությունից ապաքինվել է ավելի քան 114 642 մարդ։