Բերդի մի բնակչի կանգնեցրին, երեխաների հետ գնում էին Էջմիածին ծնունդի մասնակցելու. Գնել Սանոսյան

Գեղարքունիք մարզի մարզպետ Գնել Սանոսյանը գրել է. «Ախր ո՞նց կարելի է այսքան չսիրեկ սեփական երեխաներին, ո՞նց...

Ախր ո՞նց կարելի է այս օրերին մեծաթիվ մարդկանցով ծնունդ նշել, եթե դա օրեր անց կարող է մահվան պատճառ դառնալ, ո՞նց...
Այսօր ականատես եղա մի «աննորմալ» երևույթի:

Սևանի մայրուղու հայտնի «Գայի պոստում», երբ մեր ճանապարհային ոստիկանության աշխատակիցները հերթով կանգնացնում և ստուգում էին մեքենաները, փորձում հասկանալ ով ու՞ր է գնում, քանի՞ հոգով և այլն։

Բերդի (Շամշադինի) մի բնակչի կանգնեցրեցին և պարզվեց ընտանիքով, երեխաների հետ միասին գնում էին Էջմիածին ծնունդի մասնակցելու։

Հ.Գ.֊ Երբ երկրում արտակարգ դրություն է, երբ տանից կարող ես դուրս գալ միայն 3 պատճառով (1.Խանութ, 2.Դեղատուն, 3. Աշխատանքի այցելելու համար, այն էլ եթե խիստ անհրաժեշտ է), ոնց կարելի է Հայաստանի մի ծայրից գնալ մյուս ծայրը ԾՆՈՒՆԴ նշելու...»: