Կնոջ նկատմամբ երկու մոտեցում կա․ հարգել իրական կյանքում կամ հարգանքի փոխարեն իր «տեղը» ցույց տալ․ Աննա Հակոբյանը՝ ԱԻՆ աշխատակցի` իրեն պատվի առնելու դրվագի մասին


ՀՀ վարրապետի տիկին Աննա Հակոբյանն իր ֆեյսբուքյան էջում  տեսանյութ է հրապարակել և անդրադարձել ԱԻՆ աշխատակցի` իրեն պատվի առնելու դրվագին։ 


Նա գրել է․ «2019թ. հուլիսն է. Լիբանանում ՄԱԿ-ի հովանու ներքո UNIFIL խաղաղապահ առաքելության ռազմաբազայում եմ։

Ինձ դիմավորում է միջազգային խաղաղապահ զորքերի իտալացի հրամանատար, գեներալ Բրունո Պոսչիոտան։

Գեներալ Պիսչիոտան ինձ ողջունում է զինվորական պատիվ տալով։

Ինչո՞ւ։ Կարծում եմ Ռազմական հանրագիտարանների, դոկտորական թեզերի, պատմաքաղաքական գիտելիքների անհրաժեշտություն չկա այս հարցի պատասխանը գտնելու համար։


Սա հատուկ իրադարձություն չէ։ Սա հյուրին, այցելուին դիմավորելու զինվորական պատշաճ ձեւ է։

Պարզապես կնոջ նկատմամբ երկու մոտեցում կա։ Կնոջը հարգել իրական կյանքում։ Սա առաջին մոտեցումն է։ Կամ կնոջը աստվածացնել կենացների ժամանակ, բայց իրական կյանքում հարգանքի փոխարեն իր «տեղը» ցույց տալ։

Սա է այն ամբողջ խառնաշփոթի էությունը, որ առաջացել է ԱԻՆ-ի փրկարարի՝ ինձ զինվորական պատիվ տալու շուրջ»։