Բեյրութի նավահանգստում հայտնաբերել են պայթյունավտանգ քիմիական նյութերով 79 կոնտեյներ

Բեյրութում լիբանանցի ռազմական փորձագետները ֆրանսիացի գործընկերների հետ մայրաքաղաքի նավահանգստի մոտակայքում քիմական թունավոր նյութեր պարունակող 79 կոնտեյներ են հայտնաբերել, РИА Новости-ի փոխանցմամբ՝ հայտնել է Լիբանանի զինված ուժերի լրատվական ծառայությունը:


«Օգոստոսի 14-22-ն ընկած ժամանակահատվածում հիդրոքլորաթթու պարունակող 25 և այլ նյութեր պարունակող 54 կոնտեյներ է հայտնաբերել, որոնցից քիմիական այդ նյութերի արտահոսքը կարող էր աղետալի հետևանքներ ունենալ»,- ասված է տարածված հաղորդագրությունում: