Հեծանվորդը մահացու վրաերթի է ենթարկվել. վարորդը դիմել է փախուստի

Օգոստոսի 25-ին մահվան ելքով վրաերթ է տեղի ունեցել Արարատի մարզում։ Ժամը 12։50-ի սահմանում անհայտ մակնիշի և համարանիշի ավտոմեքենայի վարորդը Երևան-Երասխ ավտոճանապարհի 39 կմ հատվածում վրաերթի է ենթարկել հեծանվորդին և, նրան թողնելով անօգնական, դիմել փախուստի։ Այդ մասին հայտնում է shamshyan.com-ը:

Վրաերթի ենթարկվածը, որը հեծանվով է եղել, շպրտվել է երթևեկելի գոտուց դեպի ջրափոսի մեջ և տեղում մահացել։

Հարուցվել է քրեական գործ ՀՀ Քր. օր. 242 հոդվածի 2-րդ մասի և 244 հոդվածի 1-ին մասի հատկանիշներով։

Ոստիկանությունն ու քննչական բաժինը պարզում են մահացածի ինքնությունը և ձեռարկում են անհրաժեշտ օպերատիվ-հետախուզական և քննչական համատեղ գործողություններ վրաերթ կատարած վարորդին և ավտոմեքենան հայտնաբերելու ուղղությամբ։