Կորոնավիրուսից 29-ամյա հղի կին է մահացել

Երևանի Սուրբ Գրիգոր Լուսավորիչ հիվանդանոցում օրերս մահացել է գյումրեցի 29-ամյա հղի կին․ Շիրակի մարզպետարանի առողջապահության վարչության պետի Լեյլի Ասլանյանը տեղեկացրել է, որ նա դիմել է Գյումրու 1-ին պոլիկլինիկա․ նրա մոտ հաստատվել է կորոնավիրուսի դրական թեստ։ Այս մասին հայտնում է Aravot.am-ը:

Մարզպետարանի պաշտոնյայի ասելով, շատ արագ՝ մի քանի ժամվա ընթացքում կազմակերպել են նրա տեղափոխումը Սուրբ Գրիգոր Լուսավորիչ հիվանդանոց, քովիդով հիվանդ հղիներին սովորաբար տեղափոխում են այնտեղ։ 

Հղիությունը եղել է 30 շաբաթական՝ նորմալ ընթացքով, հունվարի 5-ին պտուղն է մահացել, որը Էրեբունի բժշկական կենտրոնում հեռացրել են՝ երիտասարդ կնոջը վիրահատության ենթարկելով, հաջորդ օրը կինը մահացել է՝ թրոմբո էմբոլիկ բարդությունից։