2020 թվականի դեկտեմբերի 28-ին՝ Ազգային ժողովի դիմաց տեղի ունեցած
միջադեպի գործով ԱԺ «Իմ քայլը» խմբակցության պատգամավոր Սիսակ Գաբրիելյանը տուժող
է ճանաչվել։ Այս տեղեկությունը NEWS.am-ին
հաստատել են Հատուկ քննչական ծառայությունից։
ՀՔԾ-ից հայտնել են, որ նշված գործի շրջանակներում
մեղադրանք է առաջադրվել մեկ անձի՝ ՀՀ քրեական օրենսգրքի 258-րդ հոդվածի 3-րդ մասի
1-ին կետով (խուլիգանություն, որը կատարվել է մի խումբ անձանց կամ կազմակերպված
խմբի կողմից)։
Նախաքննությունը շարունակվում է:
Հիշեցնենք, որ ԱԺ-ի դիմաց բողոքի ակցիայի ժամանակ ծեծկռտուք էր տեղի ունեցել ցուցարարների եւ ԱԺ «Իմ քայլը» խմբակցության պատգամավոր Սիսակ Գաբրիելյանի միջեւ: Վերջինս բռունցքներով հարվածներ էր հասցրել ցուցարարներից մեկին, հնչեցվելլ էին երկուստեղ հայհոյանքներ:
